Fréttir

Athafnalán eru ný lán sem veitt eru vegna rekstrar þar sem konur eru í lykilhlutverki. Lánin bjóðast fyrirtækjum sem eru í eigu kvenna eða rekin af konum og veitir SPRON lánin í samvinnu við Þróunarbanka Evrópu og Norræna fjárfestingarbankann.

Menningar- og minningarsjóður kvenna auglýsir eftir styrkumsóknum. Umsóknarfrestur er til 5. september.

Jóhanna Sigurðardóttir félagsmálaráðherra hefur skipað í Jafnréttisráð. Hildur Jónsdóttir er formaður ráðsins.

Ný rannsókn á vegum Catalyst, samtaka sem vilja stuðla að auknum tækifærum kvenna í viðskiptum, leiddi í ljós að ein helsta hindrun sem konur mæta á leiðinni á toppinn er staðalímyndir. Hin hefðbundna staðalímynd sem tengir leiðtogahlutverkið við karla frekar en konur leiðir til takmarkaðs framgangs kvenna.

Jóhanna Sigurðardóttir félagsmálaráðherra hefur ráðið Kristínu Ástgeirsdóttur sem framkvæmdastjóra Jafnréttisstofu frá og með 1. september 2007.

Kvennablað Frjálsrar verslunar kom út í sumar. Í blaðinu er yfirlit yfir stöðu kvenna í íslensku atvinnulífi. Athygli vekur að í ritstjórnarpistli eru konur hvattar til að taka völdin með því að setjast í stjórnir fyrirtækja. 

Í haust verður stofnað nýtt fjárfestingarfélag sem hefur það að markmiði að fjárfesta í kvennafyrirtækjum og nýta þekkingu og fjármagn kvenna.

Kvennaslóðum hefur verið vel tekið. Þó nokkuð hefur bæst við af nýjum skráningum og margar konur hafa uppfært skráninguna sína.

Kvennaslóðir opna aftur eftir gagngerar endurbætur.

Forsætisráðuneytið hefur gefið út jafnréttisgátlista sem ætlaður er til vinnu við opinbera stefnumótun.