Fréttir

,,Við erum með aðstæður núna þar sem við getum sagt skilið við samfélag sem byggðist á annars flokks stöðu kvenna. Samfélag sem fólst meðal annars í skotheldu glerþaki og Evrópumeti í kynbundnum launamun.

Halla Tómasdóttir, annar stofnenda Auðar Capital og starfandi stjórnarformaður, hlýtur jafnréttisviðurkenningu Kópavogsbæjar fyrir frumkvöðlastarf og gott fordæmi kvenna á öllum aldri.

Í fréttum þar sem viðtöl eru tekin við fólk eru konur einungis 20 prósent viðmælenda. Yfirgnæfandi meirihluti, eða áttatíu prósent, er karlmenn.

Standing women" er alþjóðleg hreyfing kvenna sem tók höndum saman, í bókstaflegri merkingu, 11. maí á síðasta ári fyrir betri heimi, komandi kynslóðum til handa. Í ár verður sami háttur á og nú með þátttöku íslenskra kvenna en í fyrra stóðu konur saman í 75 löndum.

Föstudaginn 25. apríl standa jafnréttisnefnd Háskóla Íslands, jafnréttisnefnd Kennaraháskóla Íslands og Rannsóknastofa í kvenna- og kynjafræðum við Háskóla Íslands fyrir málþingi um jafnrétti í breiðum grundvelli, með yfirskriftinni „Forskot með fjölbreytileika". Málþingið verður í stofu 132 í Öskju og hefst það kl. 13 og lýkur með móttöku kl. 17.

TENGSLANET IV - Völd til kvenna - ráðstefnan verður haldin í fjórða sinn á Bifröst 29.-30. maí nk. Yfirskrift ráðstefnunnar að þessu sinni er KONUR og RÉTTLÆTI. Aðalfyrirlesari ráðstefnunnar er Judith Resnik prófessor við lagadeild Yale háskóla. Nú þegar hafa hátt í hundrað konur skráð sig enda gott að hafa allan varann á því gistirými er takmarkað. Verði er haldið í lágmarki og þátttaka er öllum opin!

 

Föstudaginn 28. mars efna Samtök atvinnulífsins, Félag kvenna í atvinnurekstri, iðnaðarráðuneytið og viðskiptaráðuneytið til námstefnu um konur, fjármagn og rekstur fyrirtækja. Yfirskrift námstefnunnar er Virkjum fjármagn kvenna.

Utanríkisráðherra Líberíu, Olubanke King Akerele, verður heiðursgestur á opnum fundi sem Háskóli Íslands býður til í samvinnu við utanríkisráðuneytið, á alþjóðlegum baráttudegi kvenna, 8. mars. Fundurinn, sem ber yfirskriftina Konur um heim allan: Samstaða og samvinna, verður haldinn í Háskóla Íslands, Háskólatorgi, stofu 105, og hefst kl 12:00. Auk King Akerele munu Kristín Ingólfsdóttir, rektor Háskóla Íslands, Joanne Sandler, starfandi aðalframkvæmdastóri UNIFEM í New York og Ingibjörg Sólrún Gísladóttir utanríkisráðherra hafa framsögu.

Bandalag kvenna í Reykjavík, Kvenfélagasamband Íslands og Kvenréttindafélag Íslands standa fyrir opnu húsi á Hallveigarstöðum, Túngötu 14, Reykjavík á konudaginn, sunnudaginn 24. febrúar kl. 15-17.

Félags- og tryggingamálaráðuneytið úthlutaði hefur styrkjum til atvinnumála kvenna að fjárhæð 15.790.000 krónur. Styrkjunum er ætlað að styðja við bakið á konum sem hafa áhuga á að hasla sér völl sem sjálfstæðir atvinnurekendur og eru með áhugaverða viðskiptahugmynd